काठमाडौँ : सङ्घीय संसद्का दुईवटा समितिको बैठक आज बस्ने भएका छन्। निर्धारित कार्यसूचीअनुसार कृषि, सहकारी तथा प्राकृतिक स्रोत समिति र विधायन व्यवस्थापन समितिको बैठक तय भएको संसद् सचिवालयले जनाएको हो ।
कृषि, सहकारी तथा प्राकृतिक स्रोत समितिको बैठकमा जलविद्युत् आयोजना सञ्चालनका क्रममा गरिएको वातावरणीय प्रभाव मूल्याङ्कन ९ईआइए० प्रतिवेदनमा समेटिएको व्यवस्थापन योजना परिमार्जनमा देखिएको समस्या विषयक छलफल हुने कार्यसूची छ। यसका लागि वन तथा वातावरण मन्त्रालयका अधिकारीसँग बैठकमा संवाद हुने सचिवालयले जनाएको छ।
त्यस्तै, विधायन व्यवस्थापन समितिको बैठकमा ‘सङ्घीय निजामती सेवा विधेयक, २०८०’ माथि दफावार छलफल गर्ने कार्यक्रम रहेको छ। दिर्घकालीन विवादित मानिँदै आएको उक्त विधेयकलाई अघि बढाउने उद्देश्यले समितिमा विस्तृत छलफल थालिएको हो।
