काठमाडौं : राष्ट्रिय स्वतन्त्र पार्टी (रास्वपा) का महामन्त्री कविन्द्र बुर्लाकोटी निर्वाचन आयोग पुगेका छन्।
पार्टी विवरण अद्यावधिक नगरेको विषयमा छलफल गर्न उनी केही कानून व्यवसायीहरू सहित आयोग पुगेका हुन्। रास्वपाले एक वर्षअघि नै पार्टीको संरचनासम्बन्धी विवरण अद्यावधिक गर्न निवेदन दिएको भए पनि आयोगले हालसम्म कार्यान्वयन नगरेको बुर्लाकोटीको भनाइ छ।
पार्टीबाट निष्कासित पूर्व महामन्त्री डा. मुकुल ढकालले कारबाहीविरुद्ध अदालतमा दायर गरेको मुद्दा विचाराधीन अवस्थामा रहे पनि त्यसकै नाममा अद्यावधिक प्रक्रिया रोकिनु नहुने बुर्लाकोटी बताउँछन् ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |