काठमाडौं : एकीकृत समाजवादीका अध्यक्ष माधव नेपालले प्रधानमन्त्री एवं नेकपा एमालेका अध्यक्ष केपी ओलीलाई आफ्नो पार्टीको मुख्य चुनौतीका रूपमा प्रस्तुत गरेका छन् ।
शुक्रबार काठमाडौंमा आयोजित एक कार्यक्रममा नेपालले एमाले अध्यक्ष ओलीलाई कांग्रेसलाई शत्रु बनाउने, माओवादीसँगको दोस्ती तोड्ने र पार्टीलाई एक्ल्याएर कमजोर बनाउने सोच बोकेको नेता भएको बताएका हुन् ।
नेपालले ओलीले पूर्वराष्ट्रपति विद्यादेवी भण्डारीलाई एमालेको अध्यक्षको आश्वासन दिएर अहिले उनीविरुद्ध लागेको आरोपसमेत लगाए । उनले आफ्नो पार्टीभित्र पनि अनुशासनहीन गतिविधि भइरहेको भन्दै असन्तुष्ट नेताहरूलाई महाधिवेशनमा आएर प्रतिस्पर्धा गर्न चुनौती दिए ।
