प्रतिनिधिसभाको बैठक आज बस्दै

काठमाडौं :  सङ्घीय संसद्अन्तर्गत प्रतिनिधिसभाको बैठक आज बिहान ११ बजे बस्दैछ। बैठकमा अर्थमन्त्री डा। स्वर्णिम वाग्लेले ‘अर्थसम्बन्धी केही नेपाल कानुनलाई संशोधन र खारेज गर्ने विधेयक, २०८३’ लाई दफावार छलफलका लागि सम्बन्धित समितिमा पठाउने प्रस्ताव प्रस्तुत गर्ने कार्यसूची रहेको संसद् सचिवालयले जनाएको छ।

बैठकमा सभामुख डोलप्रसाद अर्यालले प्रतिनिधिसभाका पूर्वसदस्य तथा संविधानसभा सदस्य गोपालमान श्रेष्ठको निधनप्रति शोक प्रस्ताव पनि प्रस्तुत गर्नेछन्। शोक प्रस्तावमार्फत श्रेष्ठले संसदीय अभ्यास र संविधान निर्माण प्रक्रियामा पुर्‍याएको योगदानको स्मरण गरिनेछ।

यसैबीच, विधायन व्यवस्थापन समितिको बैठक पनि आज बिहान ११ बजे बस्ने तय भएको छ। समितिमा ‘सङ्घीयतामा विधायिकी अन्तरसम्बन्धः नेपालमा अभ्यास, आवश्यकता र चुनौती’ विषयमा अभिमुखीकरण कार्यक्रम सञ्चालन हुने कार्यसूची छ। संसद् बैठक र समितिको छलफलमार्फत विधेयक प्रक्रियालाई अघि बढाउनुका साथै सङ्घीय शासन प्रणालीमा विधायिकी समन्वयका विषयमा समेत विमर्श हुने अपेक्षा गरिएको छ।