काठमाडौँ : चीनका राष्ट्रपति सी चिनफिङले बुधबार नेपालमा आएको भीषण पहिरोबाट भएको धनजनको ठूलो क्षतिप्रति गहिरो दुस्ख व्यक्त गर्दै समवेदना सन्देश पठाएका छन्। राष्ट्रपति सीले आफ्ना नेपाली समकक्षी राष्ट्रपति रामचन्द्र पौडेललाई सम्बोधन गर्दै उक्त सन्देश पठाएको काठमाडौँस्थित चिनियाँ दूतावासले जनाएको छ।
सन्देशमा चिनियाँ राष्ट्रपति सीले प्राकृतिक विपत्तिमा परी ज्यान गुमाएकाहरूप्रति श्रद्धाञ्जली अर्पण गर्दै शोककुल परिवारजनमा हार्दिक समवेदना व्यक्त गरेका छन्। साथै, उनले घाइतेहरूको शीघ्र स्वास्थ्यलाभको कामना गर्दै नेपालले यो विपद्को सामना छिट्टै गर्न सक्ने विश्वास व्यक्त गरेका छन्। विपद्को यस कठिन घडीमा चीन नेपाल र नेपाली जनताको साथमा रहेको प्रतिबद्धता समेत दूतावासद्वारा जारी सन्देशमा उल्लेख छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |