काठमाडौं : साफ महिला च्याम्पियनसिपको सेमिफाइनलमा नेपालले आज भारतको सामना गदै छ ।
नेपाली महिला टोलीले साफ च्याम्पियनसिपको सेमिफाइनलमा लगातार दोस्रोपल्ट भारतसँग खेल्न लागेको हो । खेल दशरथ रङ्गशालामा बेलुका साढे ६ बजे शुरु हुनेछ । दुई वर्षअघि दशरथ रङ्गशालामै भएको सेमिफाइनलमा नेपालले भारतलाई १–० ले पराजित गरेर फाइनल यात्रा सुरक्षित गरेको थियो ।
साफ च्याम्पियनसिपमा नेपालले भारतलाई पहिलो पटक पराजित गरेको थियो । यसपटक नेपाल र भारत तथा साविकको उपाधि विजेता बङ्गलादेश र भुटानले सेमिफाइनलमा खेल्दै छन् । बङ्गलादेश र भुटानले फाइनलमा पुग्न दिउँसो साढे एक बजे दशरथ रङ्गशालामा प्रतिस्पर्धा गर्दै छन् ।
