ललितपुर : काठमाण्डौ फोटोग्राफर संघद्वारा आयोजित नवनिर्वाचित कार्यसमितिका लागि लक्षित एकदिने नेतृत्व विकास तथा व्यक्तित्व विकास सम्बन्धि अभिमुखीकरण कार्यक्रमु सफलताका साथ सम्पन्न भएको छ ।
संघको संगठनात्मक क्षमता विकास र पदाधिकारीहरूको व्यक्तिगत दक्षता अभिवृद्धि गर्ने उद्देश्यले उक्त कार्यक्रम २०८२ मंसिर ३ गते बुधबार ललितपुरको पूर्णज म्युजियम रिसोर्टमा आयोजना गरिएको थियो । अभिमुखीकरण कार्यक्रममा संघका पूर्व अध्यक्ष मोतीबहादुर बोगटी, सहजकर्ता हेमन्त सापकोटा र राजेश शर्माले सहजीकरण गर्नुभएको थियो । उहाँहरूले संगठनिक सुद्रिढिकरण लागि नेतृत्व विकास र व्यक्तित्व विकासका र आवश्यक रणनीतिका बारेमा प्रशिक्षण दिनुभएको थियो ।
काठमाण्डौ फोटोग्राफर संघका अध्यक्ष आनन्द प्रभाकर धिमिरेको अध्यक्षतामा सम्पन्न औपचारिक कार्यक्रममा संघका पूर्व अध्यक्ष बालकृष्ण श्रेष्ठ, दिगम्बर राजवंशी र निवर्तमान अध्यक्ष हरि प्रसाद धिमिरे अतिथिका रूपमा उपस्थित हुनुहुन्थ्यो । कार्यक्रमको औपचारिक सञ्चालन सचिव कालिका प्रसाद रिमालले गर्नुभएको थियो ।
रेन्जु मगर कार्यक्रम संयोजक रहनुभएको उक्त अभिमुखीकरण कार्यक्रमलाई सफल पार्न गोरखकाली फोटो फ्रेमिङ र बालाजु माछापोखरीका रमेश भट्टले समेत सहयोग पुर्याउनु भएको थियो ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |