काठमाडौं : नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले नेपाली कांग्रेस र एमाले दलाल र बिचौलियाका लागि काम गरिरहेको आरोप लगाएका छन्।
मुस्ताङको जोमसोममा आयोजित पार्टी प्रशिक्षण कार्यक्रममा सम्बोधन गर्दै प्रचण्डले माओवादी अन्य पार्टीभन्दा फरक रहेको जिकिर गरेका हुन् । उनले माओवादी नेता तथा कार्यकर्तालाई जनतामाझ जान, आत्मसम्मान जोगाउन र समस्या समाधानमा सक्रिय भूमिका खेल्न निर्देशन समेत दिएका छन् ।
प्रचण्डले माओवादी केन्द्रले मुस्ताङलाई नमूना जिल्ला बनाउने स्पष्ट योजना बनाएको उल्लेख गरे। मुस्ताङको भौगोलिक जटिलता र सम्भावनालाई ध्यानमा राख्दै दीर्घकालीन योजना आवश्यक रहेको भन्दै उनले विकास र समृद्धिको यात्रामा माओवादी केन्द्रको पूर्ण प्रतिबद्धता दोहोर्याए।
