काठमाडौं : संयुक्त राष्ट्रसंघको ८‘विकासका लागि वित्तसम्बन्धी चौथो अन्तर्राष्ट्रिय सम्मेलन’मा सहभागी हुन स्पेन भ्रमणमा रहेका प्रधानमन्त्री केपी शर्मा ओली आइतबार स्पेनका नरेश फिलिप द्वितीयद्वारा आयोजित रात्रिभोज कार्यक्रममा सहभागी भएका छन्।
सेभियास्थित रोयल अल्काजर दरबारमा आयोजित रात्रिभोजमा प्रधानमन्त्री ओलीसँगै प्रथम महिला राधिका शाक्यको पनि उपस्थिति रहेको थियो। यसअघि प्रधानमन्त्री ओलीले स्पेनका प्रधानमन्त्री पेड्रो साञ्चेजसँग द्विपक्षीय भेटवार्ता गरी नेपाल–स्पेन सम्बन्ध सुदृढीकरण, पर्यटन, जलवायु परिवर्तन र लगानीलगायत विषयमा छलफल गरिसकेका छन्।
प्रधानमन्त्री ओलीको यो भ्रमणलाई नेपालको अन्तर्राष्ट्रिय सम्बन्ध विस्तार र कूटनीतिक सक्रियता बलियो बनाउने अवसरको रूपमा हेरिएको छ।
