काठमाडौं : सरकारको मन्त्रीमण्डल पुनर्गठनबारे टुंगो लगाउन नेपाली कांग्रेसका सभापति शेरबहादुर देउवा, उपसभापति पूर्णबहादुर खड्का र गृहमन्त्री रमेश लेखकसहितका शीर्ष नेताहरू प्रधानमन्त्री निवास बालुवाटार पुगेका छन्।
प्रधानमन्त्री केपी शर्मा ओली र एमालेका उपाध्यक्ष विष्णु पौडेल तथा उपमहासचिव विष्णु रिमालसहितको उपस्थितीमा छलफल भएको छ । बजेटलगत्तै मन्त्री हेरफेरको तयारीमा रहेका ओलीले कांग्रेसको अनिर्णयले गर्दा ढिलाइ भएको थियो। आजको बैठकमा प्रधानमन्त्रीले देउवाबाट कांग्रेसका मन्त्री हेरफेर गर्नेबारे स्पष्ट धारणा माग्नेछन्।
कांग्रेस भने पार्टीभित्र किचलो बढ्ने भन्दै आफ्ना वर्तमान मन्त्रीहरूलाई नै निरन्तरता दिनुपर्ने पक्षमा छ । कांग्रेसले मन्त्री नफेर्ने अडान लिएमा प्रधानमन्त्री ओलीलाई एमालेभित्रका विवादित र कमजोर कार्यसम्पादनका मन्त्रीहरू परिवर्तन गर्ने बाटो खुल्नेछ। उपप्रधान तथा अर्थमन्त्री विष्णु पौडेल, शिक्षामन्त्री रघुजी पन्त र संघीय मामिला तथा सामान्य प्रशासन मन्त्री भगवती न्यौपानेबाहेकका मन्त्रीहरू फेरिन सक्ने सम्भावना रहेको बताइएको छ ।
