काठमाडौं : साताको अन्तिम सेयर कारोबार दिन बिहीबार नेप्से परिसूचक दोहोरो अंकले घटेर बन्द भएको छ।
अघिल्लो दिन ४७.९२ अंकले घटेको नेप्से यस दिन ३१.५० अंकले घटेर २९२२.६३ विन्दुमा ओर्लिएको हो । बुधबार १६ अर्ब ४४ करोड रुपैयाँको कारोबार भएकोमा, बिहीबार १५ अर्ब ९८ करोड ८९ लाख रुपैयाँ बराबरको सेयर खरिदबिक्री भयो। यस दिन ३१८ स्क्रिप्टका ३ करोड ६८ लाख ७१ हजारभन्दा बढी कित्ता सेयर किनबेच भएको नेप्सेले जनाएको छ ।
कारोबारमा आएकामध्ये ट्रेड टावर र नेपाल फाइनान्स को सेयर सकारात्मक सर्किट लेभलमा कारोबार भयो। यता, ५२ वटा स्टकको मूल्य बढ्दा १९८ वटाको घट्यो। फाइनान्सबाहेक अन्य सबै समूहको उपसूचक नकारात्मक देखिएका छन्। सर्वाधिक कारोबार हिमालयन रिइन्स्योरेन्स को १ अर्ब ३३ करोड रुपैयाँभन्दा बढीको भयो।
