काठमाडौं : निजामती विधेयकसम्बन्धी विवाद चुलिँदै जाँदा राष्ट्रिय स्वतन्त्र पार्टी (रास्वपा)ले राज्य व्यवस्था तथा सुशासन समितिका सभापति रामहरि खतिवडासँग जिम्मेवारी लिन माग गरेको छ।
रास्वपाका प्रवक्ता मनिष झाले सामाजिक सञ्जालमार्फत सभापति खतिवडाको राजीनामा माग्दै तीव्र आलोचना गरेका हुन्।
उनले लेखेका छन्, “राज्य व्यवस्था समितिका सभापति ज्यू, निजामती विधेयकमा तपाईँले संघीय संसदको रोस्ट्रमबाट टेबल गरेको भन्दा फरक कुरा कसरी आयोरु अब या त यो सुधार्नुस्, या आफूले गरेको नालायकीपन स्वीकार गरेर समितिबाट राजीनामा दिनुस्।”
प्रवक्ता झाले विधेयक नपढी समर्थन गर्ने सांसदहरूलाई पनि कटाक्ष गर्दै भनेका छन्, “पढ्दै नपढेर ‘हुन्छ-हुँदैन’ भन्नेहरूलाई – ‘कुरी कुरी।’”
रास्वपाले कुलिङ पिरियडसम्बन्धी विवादलाई लोकतान्त्रिक प्रक्रियामा अवज्ञा र गैरजिम्मेवार व्यवहारको उदाहरणका रूपमा देखेको छ।
