काठमाडौं : रसुवास्थित नेपाल–चीन सीमामा रहेको ल्हेन्दे खोलामा मङ्गलबार बिहान आएको बाढी हिमताल विस्फोटकै कारण भएको जल तथा मौसम विज्ञान विभागले प्रारम्भिक निष्कर्ष निकालेको छ।
सेन्टिनेल’ उपग्रहबाट गरिएको अध्ययनका आधारमा सुप्राग्लेशियल (हिमनदी माथिको ताल) फुट्दा बाढी आएको अनुमान गरिएको हो। उनका अनुसार करिब ५१५० मिटर उचाइमा रहेको ०.७५ वर्गकिलोमिटर क्षेत्रफलको ताल बाढीपछि ०.६० वर्गकिलोमिटरमा खुम्चिएको देखिएको छ। यसले बाढीका बेला थुप्रै पानी निकास भएको संकेत गरेको छ ।
उक्त क्षेत्रको थप स्थलगत विवरण मित्रराष्ट्र चीनबाट प्राप्त हुने अपेक्षा गरिएको छ भने उपग्रहबाट प्राप्त हुने आगामी तस्बिरहरूले पनि थप पुष्ट्याइँ दिनेछन्। विभागले निरन्तर अनुगमन र अध्ययन गरिरहेको जनाएको छ। यसबीच, इसिमोडका वैज्ञानिकहरूले पनि ल्हेन्दे खोलामा बनेको हिमताल विस्फोट नै रसुवाको भोटेकोशीमा बाढीको प्रमुख कारण भएको पुष्टि गरेका छन्।
