काठमाडौँ : सशस्त्र प्रहरी बल (एपीएफ)का ७७ जना अधिकृतको बढुवा सिफारिस गरिएको छ। सशस्त्र प्रहरी बलको बढुवा समितिको सोमबार बसेको बैठकले रिक्त रहेका विभिन्न पदहरूमा उनीहरूलाई बढुवा गर्न सिफारिस गरेको हो।
सशस्त्र प्रहरी वरिष्ठ उपरीक्षक (एसएसपी)मा ६, उपरीक्षक (एसपी)मा २२, प्राविधिक एसपीमा १ र नायब उपरीक्षक (डीएसपी)मा ४८ जनाको बढुवा सिफारिस भएको छ।
एसएसपीमा सिफारिस हुनेहरूमा ध्रुवबहादुर कार्की, जनक पुरी, यादव विश्वकर्मा, टोपबहादुर खनाल, अशोककुमार बम र वीरेन्द्रबहादुर ऐर छन्।
एसपीमा सिफारिस हुनेहरूमा नरदीपकुमार बस्नेत, रामकृष्ण महर्जन, श्याम रावत, वसन्तबहादुर सिंह, श्यामकुमार कार्की, गेहेन्द्रबहादुर भण्डारी, लक्ष्मण थापा मगर, भीमबहादुर विष्ट, नवराज बोहरा, सुरेश गैरे, कृष्णबहादुर विष्ट, अम्विकाप्रसाद जोशी, अमर बहादुर खत्री, विशाल सिलवाल, बासुदेव महत, भीमबहादुर चन्द, श्रीराम कुंवर, श्याममणि ढकाल, गोविन्दबहादुर खाती, यदुकुमार कार्की, देवबहादुर बोहरा र दिनेशकुमार बस्नेत रहेका छन्।
प्राविधिकतर्फ इन्जिनियर मनोज बखुन्छे श्रेष्ठको एसपी पदमा बढुवा सिफारिस गरिएको छ। यसअघि सिफारिस भइसकेका डीएसपीहरूका नाम भने विस्तृत रूपमा सार्वजनिक गरिएको छैन।
