काठमाडौं : प्रहरीले राष्ट्रिय स्वतन्त्र पार्टी (रास्वपा) लिखुपिके गाउँपालिकाका सभापति रामचन्द्र बस्नेत बलात्कारको आरोपमा नियन्त्रणमा लिएको छ ।
बस्नेतले साउन ६ गते सुस्त मानसिक अवस्था भएकी एक स्थानीय महिलामाथि बलात्कार गरेको उजुरी परेको थियो। उजुरीपछि जिल्ला प्रहरी कार्यालय सोलुखुम्बुको टोलीले उनलाई काठमाडौंको बनस्थलीबाट साउन १९ गते नियन्त्रणमा लिएको हो ।
बस्नेतमाथि जबरजस्ती करणीसम्बन्धी कसुरमा अनुसन्धान सुरु गरिएको जिल्ला प्रहरी कार्यालय सोलुखुम्बुले जनाएको छ । उनलाई जिल्ला अदालत सोलुखुम्बुबाट सात दिनको म्याद थप गरी हिरासतमा राखिएको राखिएको छ ।
