काठमाडौं : लाइफ इन्स्योरेन्स कर्पोरेशन (एलआईसी नेपाल) को नाफा गत आर्थिक वर्षमा ६१.९२ प्रतिशतले घटेको छ।
अघिल्लो आर्थिक वर्षमा ८२ करोड ९६ लाख रुपैयाँ नाफा कमाएको कम्पनीले गत आवमा ३१ करोड ५८ लाख रुपैयाँ मात्र नाफा कमाएको हो।
नाफा घटेपनि कम्पनीको जीवन बीमाकोषको आकार ११.४९ प्रतिशतले बढेर १ खर्ब ३२ अर्ब ९२ करोड रुपैयाँ पुगेको छ। समीक्षा अवधिमा खुद बीमाशुल्क आर्जन करिब १८ अर्ब रुपैयाँबाट १०.१८ प्रतिशत वृद्धि भई १२ अर्ब ५९ करोड रुपैयाँ पुगेको वित्तीय विवरणमा उल्लेख छ।
गत वर्ष कुल आम्दानी २९ अर्ब ९७ करोड रुपैयाँबाट बढेर ३२ अर्ब ३३ करोड रुपैयाँ पुगेको र कुल खर्च २६ अर्ब ७१ करोड रुपैयाँबाट बढेर २९ अर्ब ५५ करोड रुपैयाँ पुगेको छ। नाफा घटेकाले प्रतिशेयर आम्दानी १५।७५ रुपैयाँबाट घटेर ५।७४ रुपैयाँमा झरेको छ।
कम्पनीको चुक्ता पूँजी ५ अर्ब ५० करोड रुपैयाँ, शेयर प्रिमियम ४९ करोड ८० लाख, महाविपत्ति कोषमा ६८ करोड ८ लाख र जगेडा कोषमा करिब ३ अर्ब रुपैयाँ रहेको छ।
