काठमाडौं : नेपाल आयल निगमले फेरि इन्धनको मूल्य परिमार्जन गरेको छ। यसपटक निगमले डिजेल, मट्टीतेल र हवाई इन्धनको मूल्य घटाएको हो। नयाँ दर सोमबार बिहानदेखि लागू भएको निगमले जनाएको छ।
नयाँ समायोजनअनुसार डिजेल र मट्टीतेल प्रतिलिटर चार रुपैयाँले सस्तो भएका छन्। त्यस्तै, हवाई इन्धन आन्तरिकतर्फ प्रतिलिटर एक रुपैयाँले र अन्तर्राष्ट्रिय उडानका लागि काठमाडौँमा प्रतिलिटर सात रुपैयाँले घटाइएको छ।
पेट्रोल भने अपरिवर्तित छ। अहिले पेट्रोलको मूल्य काठमाडौँ, पोखरा र दिपायलमा प्रतिलिटर १६१ रुपैयाँ, सुर्खेत र दाङमा १६० रुपैयाँ र विराटनगर, अमलेखगञ्ज, जनकपुर, नेपालगञ्ज, धनगढी तथा बीरगञ्जमा १५८.५० रुपैयाँ कायम छ।
