केशवप्रसाद चौलागाईं
प्रत्येक बर्ष भाद्रशुक्ल अष्टमीमा आयोजना गरिने ललितपुरका दश महाविद्या पीठहरुको पुजन तथा परिक्रमा भाद्र १५ सम्पन्न भएको छ। काली पीठबाट प्रारम्भ भएको पुजन क्रमशः भैरवी,पूर्णचण्डी,तारा ,भुवनेश्वरी,बगलामुखी, धुमावती,मातङ्गी,छिन्नमस्ता,तथा बालकुमारी मा पुजन गरि अन्त्यमा पुनः कालीपीठमा आएर समापन गरिएको थियोे ।सिद्ध दशमहाबिद्धा पुजनको दृश्य मनमोहक रहेको थियोे ।सबै पीठका गुरुहरुबाट हुने पुजा यन्त्र सहितको हुने हुदा सिद्धिदायक रहन्छ।
नमो देव्यै महादेव्यै शिवाय सततं नम: ।
नम: प्रकृत्यै भद्राय नियता: प्रणता: स्म ताम्।।
देवताहरु द्वारा भगवती को स्तुति गरेको शास्त्रीय प्रसंगले पनि दशमहाबिद्धाको महत्त्व बुझ्न सकिन्छ ।सौम्यशक्तिका रुपमा महानगर को रक्षाका साथै सिंगो मुलुककै रक्षा र समृद्धि मा सहयोग पुर्याउने पूजन अमुर्त सम्पदाको दृष्टिले पनि एतिहासिक महत्वको रहेको छ।
ॐ महालक्ष्म्यै च विद्महे सर्वशक्त्यै च धीमहि ।
तन्नो देवी प्रचोदयात्।।
सिद्ध महलक्ष्मीको वरदान समेत प्राप्त गर्न सफल ललितपुर महानगरपालिका द्वन्द्व व्यवस्थापन ,तथा स्वराज्य मेलमिलापको पनि उदाहरण बन्न पुगेको छ।सबै बर्ग र समुदायको सहभागितामा नगरपरिक्रमा सहित सम्पन हुने पूजनले सबैले आफ्नो ठान्ने स्वराज्यको अनुभुती गराउनुका साथै मेलमिलापको वातावरण बनाउन सकेको छ।न्यायिक समिति को प्राबधान स्थानीय सरकार सञ्चालन ऐनमा भएता पनि वास्तविक मेलमिलापको दृश्य पुजन तथा परिक्रमा मा देख्न पाइन्छ ।
संस्कृति ,स्वराज्य र समाजवाद को मुर्तरुप झल्कने यो कार्यक्रमले मौलिकता का साथै स्वराज्यको अभ्यास गरेको देखिन्छ ।जनप्रतिनिधि हरुको प्राथमिकतामा नपरेको भए पनि जनताको प्राथमिकतामा परेकाले वैकल्पिक मौलिक शासकीय पद्धतिको आधार बन्ने देखिन्छ ।दशमहाबिद्धाले सबै को कल्याण गरून्।
