काठमाडौं : नेपाली कांग्रेसले आगामी आइतबार केन्द्रीय कार्यसम्पादन समितिको बैठक बोलाएको छ। सभापति शेरबहादुर देउवाले आफ्नै निवास बूढानीलकण्ठमा बैठक आह्वान गरेका हुन्।
कांग्रेस केन्द्रीय कार्यालयका मुख्य सचिव कृष्णप्रसाद पौडेलका अनुसार बैठक बिहान ९ बजे सुरु हुनेछ। बैठकमा समसामयिक राजनीतिक परिस्थिति, संसदीय गतिविधि, सरकारसँगको समन्वय, पार्टी संगठन सुदृढीकरण तथा आगामी रणनीतिबारे छलफल हुने बताइएको छ।
हालको सत्ता समीकरण र संसद्मा कांग्रेसको भूमिकाबारे शीर्ष नेताबीच हुने बहसलाई महत्त्वपूर्ण मानिएको छ। बैठकले पार्टीलाई अझ सक्रिय बनाउन आवश्यक निर्णय लिने अपेक्षा गरिएको छ।
