काठमाडौं : प्रतिनिधिसभाको बैठकमा विपक्षी दलका सांसदहरूले विरोध जनाएका छन्। सभामुख डोलप्रसाद अर्यालले बैठक सुरु गर्नासाथ विपक्षी सांसदहरू उभिएर असन्तुष्टि व्यक्त गरेका हुन्।
सभामुखसँग समय लिएर बोलेका सांसदहरूले काठमाडौं महानगरपालिकाका प्रमुख बालेन्द्र शाहले राष्ट्रियताविरुद्ध अभिव्यक्ति दिएको आरोप लगाउँदै त्यसको विरोध गरे। उनीहरूले शाहले संसद्मा उपस्थित भएर माफी माग्नुपर्ने र उक्त अभिव्यक्तिलाई संसद्को अभिलेखबाट हटाउनुपर्ने मागसमेत गरेका छन्।
विपक्षी सांसदहरूले चीन भ्रमणमा रहेका परराष्ट्रमन्त्री शिशिर खनालले लिपुलेक र कालापानीको विषयमा के कुरा उठाए भन्नेबारे सरकार स्पष्ट हुन नसकेको टिप्पणी गरे। उनीहरूले सीमासम्बन्धी विषयमा सरकारको धारणा सार्वजनिक गर्न माग गरेका छन्।
बैठकमा नवलपरासीको सुस्ता क्षेत्रमा भारतीय सुरक्षाकर्मी प्रवेश गरेको तथा भारतीय हेलिकप्टर नेपाली भूमिमा आएको विषय पनि उठाइएको छ। सांसदहरूले राष्ट्रियता र सीमा सुरक्षाका सवालमा सरकार गम्भीर बन्नुपर्ने बताएका छन्।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |