काठमाडौं : सङ्घीय संसद् राष्ट्रियसभाको बैठक आज बस्दैछ। बिहान ११ः४५ बजे नयाँ बानेश्वरस्थित संसद् भवनमा बस्ने बैठकमा प्रधानमन्त्री केपी शर्मा ओलीले ‘राष्ट्रिय समावेशी आयोगको आर्थिक वर्ष २०८०/८१ को छैटौँ वार्षिक प्रतिवेदन’ पेस गर्ने कार्यसूची छ ।
राष्ट्रियसभाका सचिव डा. सुरेन्द्र अर्यालले ‘सातै प्रदेशस्तरमा आयोजित निर्वाचक मण्डलसँगको समन्वय बैठकको एकीकृत प्रतिवेदन’ टेबुल गर्ने कार्यसूची छ।
यसैगरी, आज पाँचवटा संसदीय समितिको बैठक बस्नेछ। अन्तर्राष्ट्रिय सम्बन्ध र पर्यटन समितिमा ‘नेपाल नागरिक उड्डयन प्राधिकरण विधेयक, २०८१’ र ‘नेपाल हवाई सेवा प्राधिकरण विधेयक, २०८१’ सम्बन्धी बृहत्तर तुलनात्मक विश्लेषणसहितको प्रस्तुतीकरण हुनेछ। उद्योग वाणिज्य तथा श्रम समिति ‘निकासी पैठारी ९नियमन० विधेयक, २०८१’ मा विषयविज्ञसँग छलफल गर्नेछ।
कृषि, सहकारी तथा प्राकृतिक स्रोत समितिमा ‘हिन्द कुश हिमालयन पार्लियामेन्ट मिट–२०२५’ को तयारीबारे छलफल हुनेछ। सार्वजनिक लेखा समितिमा ट्रकको भारवहन क्षमता सम्बन्धी उजुरीमाथि बहस हुनेछ भने विधायन व्यवस्थापन समितिमा ‘नेपाल नागरिकता ९दोस्रो संशोधन० विधेयक, २०८१’ मा दफावार छलफल हुनेछ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |