पाटन दरबार स्क्वायरमा फोटो वाक तथा प्रतियोगिता सम्पन्न

काठमाडौँ :  १६८ औं विश्व फोटोग्राफी दिवसको अवसरमा काठमाडौं फोटोग्राफर संघले शनिबार पाटन दरबार स्क्वायरमा ‘फोटो वाक तथा फोटो प्रतियोगिता-२०२५’ सम्पन्न गरेको छ।

भदौ ३ गते बिहान ७ बजे सुरु भएको कार्यक्रममा काठमाडौं, ललितपुर र भक्तपुरका फोटोग्राफरहरूको उल्लेख्य सहभागिता रहेको थियो। ऐतिहासिक सम्पदा, कला र संस्कृतिको बीचमा भएको यस फोटो वाकले सहभागीलाई सिर्जनात्मक अभ्याससँगै आपसी एकता र सहकार्यको सन्देश दिएको आयोजकले जनाएको छ।

कार्यक्रमलाई सम्बोधन गर्दै संघका अध्यक्ष हरि प्रसाद घिमिरेले फोटोग्राफीलाई “इतिहास र संस्कृतिको दस्तावेज”का रूपमा उपयोग गर्नुपर्ने बताए। ‘फोटोग्राफी सौन्दर्य मात्र होइन, हाम्रो पहिचान र इतिहासलाई पुस्तौँसम्म सुरक्षित राख्ने माध्यम हो,’ उनले भने, ‘प्रत्येक तस्वीरले सत्य, मानवता र सकारात्मक परिवर्तनको सन्देश दिनुपर्छ।’

संघका सल्लाहकार रत्नमान आन्शु, फोटो कर्नसनका दिनेश अर्याल र बद्ध मानन्धरले फोटोग्राफीलाई समाज र संस्कृतिसँग जोड्न आग्रह गर्दै सहभागीलाई शुभकामना व्यक्त गरे।

कार्यक्रमको सञ्चालन संघका सचिव रेशमराज पण्डितले गरेका थिए। फोटो प्रतियोगिताका नियमबारे सहजकर्ता आम यादवले जानकारी गराएका थिए।

फोटो प्रतियोगिताका नियमहरू
थीम: Rules of Composition
प्रतिभागीहरूले तल उल्लेखित संरचना नियम (Composition Rules) मध्ये कुनै एक आधारमा आफ्नो फोटो लिनुपर्नेछः
Leading lines / Converging lines

Diagonals

Rule of odds

Symmetry

👉 क्याप्सनमा कुन नियम रोजिएको हो स्पष्ट उल्लेख गर्नुपर्छ।
📅 समयसीमा:
फोटो २०८२ भदौ ३ गते (१९ अगस्ट २०२५) बिहान ७:०० बजे देखि दिउँसो १:०० बजेसम्म खिचिएको हुनुपर्छ।
(EXIF data मा मिति र समय देखिनुपर्नेछ। फोटो सबमिट गर्दा EXIF data हटाउन नपाइनेछ।)
📷 फोटो संख्या र फर्म्याट:
अधिकतम २ वटा फोटो पठाउन पाइनेछ।

JPEG format मा, उच्चतम गुणस्तर (Highest quality setting) मा, र कम्तीमा 3000 pixels (longer side) रिजोलुसनमा हुनुपर्छ।

📩 पठाउने तरिका र समय सिमा :
आफ्नो प्रविष्टि (entries) इमेलमार्फत पठाउनुपर्छः [email protected]

इमेलमा आफ्नो पूरा नाम र सम्पर्क जानकारी उल्लेख गर्नुपर्नेछ।
फोटो २०८२ भदौ 8 गते (24 अगस्ट २०२५) सम्म पठाइ सक्नु पर्नेछ।

⚖️ Copyright & Usage:
फोटो पठाएर, प्रतिभायाेगीहरूले काठमाडौं फोटोग्राफर संघ (KPA) लाई उक्त फोटो सम्पूर्ण वा आंशिक रूपमा, कुनै पनि माध्यममा, प्रचार–प्रसारका लागि प्रयोग गर्न सहमति जनाउनेछन्।