काठमाडौं : प्रधानमन्त्री केपी शर्मा ओलीले चीन प्रस्थानपूर्व आज प्रतिनिधिसभा बैठकलाई सम्बोधन गर्ने भएका छन्। दिउँसो १ बजे बस्ने बैठकमा प्रधानमन्त्रीले आफ्नो आगामी भ्रमणबारे जानकारी गराउने उनको सचिवालयले जनाएको छ।
ओली शनिबार चीन जान लागेका हुन्। भ्रमणअघि शुक्रबार बालुवाटारमा पार्टीका शीर्ष नेतासँग परामर्श गर्दै उनले लिपुलेक मुद्दामा राष्ट्रिय सहमति बनाएर भारत र चीन दुवैसँग स्पष्ट धारणा राख्ने तयारी गरेको बताएका छन्।
उनका अनुसार संसद्को विश्वाससहित राष्ट्रपति सी चिनफिङ र भारतीय प्रधानमन्त्री नरेन्द्र मोदीसँग नेपालको भूभागसम्बन्धी प्रश्नमा प्रष्ट धारणा प्रस्तुत गरिनेछ।
