काठमाडौँ : शाङ्घाइ कोअपरेसन अर्गनाइजेसन (एससीओ) को २५औं शिखर सम्मेलनमा सहभागी हुन चीन पुगेका प्रधानमन्त्री केपी शर्मा ओली र भारतीय समकक्षी नरेन्द्र मोदीबीच भेटवार्ता हुने सम्भावना टुंगिएको छ।
प्रधानमन्त्रीको सचिवालयले मोदीसँग भेटवार्ताको कार्यक्रम तय नभएको जनाएको छ। भ्रमण टोलीमा रहेका पत्रकार प्रकाश सिलवालका अनुसार भारत भ्रमण औपचारिक रूपमा तय भइसकेकाले चीनमा मोदीसँग छुट्टै भेटवार्ताको तालिका राखिएको छैन।
शनिबार प्रधानमन्त्री ओलीले चिनियाँ राष्ट्रपति सी चिनफिङसँग द्वीपक्षीय भेटवार्ता गरेका थिए। सो अवसरमा उनले भारत–चीनबीच लिपुलेकलाई व्यापारिक मार्गका रूपमा प्रयोग गर्ने सहमतिप्रति नेपालको आपत्ति प्रकट गरेका थिए। प्रष्ट आपत्ति राखिसकेपछि मोदीसँग भेट हुने भए सो विषय उठाउने अपेक्षा गरिएको थियो।
