काठमाडौं : आर्थिक पत्रकार समाज (सेजन) को अध्यक्षमा भागवत भट्टराई निर्वाचित भएका छन्। शनिबार सम्पन्न निर्वाचनमा उनले ११० मत प्राप्त गर्दै समाजको कमाण्ड सम्मालेका हुन् ।
निर्वाचनमा २४६ मत खसेकोमा उनका निकटतम प्रतिस्पर्धी विश्वास रेग्मीले ९२ र आशा थपलियाले ४१ मत पाएका थिए। एक मत बदर भएको थियो।
उपाध्यक्षमा जीवनकुमार बस्नेत निर्विरोध विजयी भए भने महासचिवमा कमल बस्नेत, सचिवमा शंकर पण्डित निर्विरोध भए । कोषाध्यक्षमा केशु लामिछाने चुनिइन्।
त्यस्तै सदस्यमा सीमा तामाङ, कमल धिताल, भोजराज भण्डारी, राजु बास्कोटा र अर्जुन तामाङ निर्वाचित भएको निर्वाचन समितिले जनाएको छ ।
