काठमाडौं : प्रमुख प्रतिपक्ष दल नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले आह्वान गरेको विपक्षी दलको बैठकमा राष्ट्रिय स्वतन्त्र पार्टी (रास्वपा) सहभागी नहुने भएको छ।
प्रचण्डले मंगलबार सिंहदरबारस्थित माओवादी संसदीय दलको कार्यालयमा बैठक बोलाएका थिए।
तर, रास्वपाका प्रवक्ता मनिष झाले हालको असामान्य अवस्थामा पार्टीको प्राथमिकता बैठकमा सहभागी हुनु नभई आन्तरिक छलफलमा केन्द्रित हुने बताएका छन्। उनले भने, ‘यो बेला उपचाररत घाइतेहरुको सहयोगका लागि खट्नुपर्नेछ। पार्टीभित्र पनि छलफल गर्नुछ। त्यसैले हाम्रो प्राथमिकता प्रचण्डले बोलाएको बैठकमा परेको छैन।’
