काठमाडौँ : गृहमन्त्री रमेश लेखकले आज मन्त्रिपरिषदअन्तर्गतको विधेयक समितिको बैठक बोलाएका छन्।
सिंहदरबारस्थित प्रधानमन्त्री तथा मन्त्रिपरिषद्को कार्यालयमा बस्ने बैठकमा मुलुकी अपराध (संहिता) ऐन, २०७४ लाई संशोधन गरी केही निश्चित परिस्थितिमा बहुविवाहलाई कानुनी वैधता दिने विषयमा छलफल हुने बताइएको छ।
संसदीय मामिला तथा कानून मन्त्रालयले मन्त्रिपरिषद्मा पेश गरेको सो विधेयकप्रति विभिन्न पक्षबाट चासो र प्रतिक्रिया आइरहेका बेला गृहमन्त्री समेत रहेका विधेयक समितिका संयोजक लेखकले अध्ययन र समन्वयका लागि बैठक आह्वान गरेको गृहमन्त्रीको सचिवालयले जनाएको छ।
बैठकमा सरोकारवाला मन्त्रीहरूसँगै उच्चस्तरीय सरकारी अधिकारीहरूसँग समेत परामर्श गरी विधेयकको प्रावधानबारे थप राय लिन छलफल हुने मन्त्रालयले जनाएको छ।
