एसियन कप छनोट : नेपालले आज कतारको सामना गर्ने

काठमाडौं :  एसियन कप छनोटमा नेपालले आज कतारसँग सामना गर्ने भएको छ ।

कतारको राजधानी दोहाको एसपायर एकेडेमी पिचमा नेपाली समयअनुसार खेल राति साढे ८ बजे सुरु हुनेछ। बुधबार भएको खेलमा नेपाल जापानसँग ९–२ गोल अन्तरले पराजित भएको थियो ।

कतारले मंगोलियालाई पराजित गरेको छ। समूह एफमा रहेको नेपाल अन्तिम खेल आइतबार मंगोलियासँग खेल्नेछ। समूहको शीर्ष स्थानमा रहने टोली र दोस्रो स्थानका उत्कृष्ट पाँच टोलीले अर्को वर्षको अप्रिलमा साउदी अरेबियामा हुने मुख्य प्रतियोगिताका लागि छनोट हुन पाउनेछन्।