काठमाडौं : इजरायलले इरानमाथि व्यापक हवाई आक्रमण गरेको छ ।
इरानले इजरायलमा आक्रमण गरेको तीन सातापछि इजरायलले जवाफी प्रत्याक्रमण गरेको हो । इरानका विभिन्न स्थानमा शनिबार विहानैबाट व्यापक हवाई आक्रमण सुरु गरिएको छ। इरानले पनि इजरायलले आफ्नो भूमिमा आक्रमण गरेको पुष्टि गरेको छ। यद्यपि आक्रमणबाट भएको क्षतिको विवरणहरु प्राप्त हुन सकेको छैन् ।
इजरायलले इरानको राजधानी तेहरान तथा करजमा आक्रमण गरेको हो। इजरायलले इरानमाथि हमाला गर्नु केही अघि मात्र ह्वाइटहाउसलाई आक्रमणको सूचना दिएको बताएको छ । इजरायल डिफेन्स फोर्सले इजरायलले अक्टोबर १ मा भएको आक्रमणको जवाफ दिएको बताए।
