इरानको आक्रमणमा यूएईमा एक नेपालीसहित ३ जनाको मृत्यु

काठमाडौँ : संयुक्त अरब इमिरेट्समाथि इरानले गरेको पछिल्लो हवाई आक्रमणमा एक नेपालीसहित तीन विदेशी नागरिकको मृत्यु भएको छ। यूएईको रक्षा मन्त्रालयले आइतबार सार्वजनिक गरेको विवरणअनुसार नेपाल, पाकिस्तान र बंगलादेशका एकरएक जना नागरिकले ज्यान गुमाएका हुन्।

यूएईस्थित नेपाली राजदूत तेज बहादुर क्षेत्री ले एक नेपालीको मृत्यु भएको सरकारी जानकारी प्राप्त भएको पुष्टि गरे। मृतकको परिचय भने खुलाइएको छैन।

मन्त्रालयका अनुसार इरानले हालसम्म १६५ वटा ब्यालेस्टिक मिसाइल, दुईवटा क्रुज मिसाइल र ५४१ ड्रोन प्रहार गरेको छ। यूएईको हवाई रक्षा प्रणालीले अधिकांश आक्रमणलाई आकाशमै निष्क्रिय पारे पनि ३५ ड्रोन विभिन्न स्थानमा खसेका थिए। तीमध्ये २१ ड्रोन नागरिक बस्ती र संरचनामा खस्दा मानवीय क्षति भएको जनाइएको छ।

यस घटनामा नेपालसहित भारत, फिलिपिन्स, इजिप्ट, इथियोपिया र पाकिस्तानका १५ देशका ५८ जना सामान्य घाइते भएका छन्। घाइतेहरूको अवस्था खतरामुक्त रहेको र उपचार जारी रहेको मन्त्रालयले जनाएको छ।