काठमाडौं : राष्ट्रिय प्रजातन्त्र पार्टी (राप्रपा)ले काठमाडौं उपत्यका बन्दको कार्यक्रममा आफ्नो कुनै सहभागिता नरहेको स्पष्ट पारेको छ।
राप्रपा अध्यक्ष राजेन्द्र लिङ्देनले आइतबार आन्दोलनको क्रममा पक्राउ परेका नेता तथा कार्यकर्ताहरू रिहा भइसकेकाले बन्दको आवश्यकता नरहेको बताएका हुन। उनका अनुसार, रिहाइको सन्दर्भमा बन्दको प्रसंग उठे पनि राप्रपा त्यसमा सहभागी हुने छैन।
राजसंस्था र हिन्दु राष्ट्र पुनर्स्थापनाको मागसहित आइतबार काठमाडौंमा गरिएको प्रदर्शनका क्रममा राप्रपा नेपालका अध्यक्ष कमल थापा, राप्रपाका सांसद दीपक सिंहलगायतका नेताहरूलाई प्रहरीले नियन्त्रणमा लिएको थियो। उनीहरूको गिरफ्तारीको विरोधमा केही नेताहरूले उपत्यका बन्दको घोषणा गरेका थिए।
तर, ती सबै नेताहरूलाई आइतबार साँझ नै रिहा गरिएपछि राप्रपाले औपचारिक रूपमा बन्द कार्यक्रममा नलाग्ने निर्णय गरेको हो।
