काठमाडौँ : माध्यमिक शिक्षा परीक्षा (एसईई) को नतिजा प्रकाशन प्रक्रिया अन्तिम चरणमा पुगेको राष्ट्रिय परीक्षा बोर्डले जनाएको छ।
बोर्डका अध्यक्ष महाश्रम शर्माका अनुसार, आज बस्ने बोर्ड बैठकले नतिजा कहिले सार्वजनिक गर्ने भन्ने टुंगो लगाउनेछ। यस वर्ष शिक्षक आन्दोलनका कारण उत्तरपुस्तिका परीक्षणमा ढिलाइ भएको थियो।
सरकारले शिक्षकका माग सम्बोधन गरेपछि मात्र मूल्यांकन प्रक्रिया अगाडि बढेको हो। एसईई २०८० मा ५ लाख १४ हजार ७१ परीक्षार्थी सहभागी भएका थिए, जुन गत वर्षभन्दा ४९ हजार बढी हो। गत वर्ष ४ लाख ६४ हजार ७८५ परीक्षार्थी सहभागी थिए।
