काठमाडौं : माध्यमिक शिक्षा परीक्षा (एसईई)-२०८० को नतिजा सार्वजनिक भएको छ।
राष्ट्रिय परीक्षा बोर्डले शुक्रबार सार्वजनिक गरेको नतिजाअनुसार ६२ प्रतिशत विद्यार्थी ग्रेडेड भएका छन्। बोर्डका अनुसार ३.६ देखि ४ जीपीए ल्याउने विद्यार्थीको संख्या ४८ हजार १७७ जना रहेको छ। त्यस्तै, ३.२ देखि ३.६ जीपीए ल्याउने ८१ हजार ३८५ जना छन् भने २.८ देखि ३.२ जीपीए ल्याउने विद्यार्थीको संख्या ८९ हजार १२४ रहेको छ। यस्तै २.४ देखि २.८ जीपीए ल्याउने ४८ हजार ४७९ जना, २ देखि २.४ जीपीए ल्याउने ४ हजार १२६ जना र २ जीपीएभन्दा कम ल्याउने विद्यार्थी ८ जना रहेका छन्।
यस वर्ष परीक्षा दिएका मध्ये १२६ जनाको परीक्षा विभिन्न कारणले रद्द गरिएको बोर्डले जनाएको छ। यसपटक देशभरबाट ५ लाख १४ हजार ७१ परीक्षार्थी एसईईमा सहभागी भएका थिए। बोर्डले नतिजा वेबसाइट, एसएमएस र मोबाईल एपमार्फत हेर्न सकिने जनाएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |