काठमाडौं : नेकपा (एकीकृत समाजवादी)की नेता रामकुमारी झाँक्रीले पार्टीसँगको आफ्नो राजनीतिक यात्रा टुंगिएको घोषणा गरेकी छन्।
बुधबार काठमाडौंमा आयोजित पत्रकार सम्मेलनमा झाँक्रीले एकीकृत समाजवादी पार्टी विघटनतर्फ गएको भन्दै आफूहरूको यात्रा पनि त्यत्तिकैमा समाप्त भएको बताइन्।
“नेकपा (एकीकृत समाजवादी) निर्माणका प्रारम्भिक दिनहरूमा हामीले ठूलो अभियानको कल्पना गरेका थियौं,” उनले भनिन्, “तर त्यो सम्भावना अब समाप्त भएको छ। हाम्रो समाजवादी पार्टीसँगको यात्रा, त्यो पार्टी विघटनसँगसँगै टुंगियो।”
नेकपा (माओवादी केन्द्र)सँग पार्टी एकताको निर्णयपछि झाँक्री र नेता किसान श्रेष्ठले उक्त निर्णयप्रति असहमति जनाएका छन्।
झाँक्रीले आफ्नो धारणा व्यक्त गर्दै भनिन्, “जब हाम्रो बाटो अवरुद्ध हुन्छ, तब यात्रालाई पज गरेर उपयुक्त मार्ग खोज्नुपर्ने हुन्छ।”
यसअघि पत्रकार सम्मेलनमा नेता किसान श्रेष्ठले आफूहरू निस्शर्त नेकपा ९एमाले०मा फर्किन लागेको घोषणा गरेका थिए। “हामीलाई केही चाहिएको छैन, मूल घरमा हाँसेर बोलिदिए, सम्मानजनक व्यवहार गरे पुग्छ,” उनले भने।
