काठमाडौं : आगामी राजनीतिक र सांगठानिक कार्यसूची समायोजनमा समय लागेपछि नेपाली कांग्रेसले कात्तिक २९ गते शनिबारका लागि तय गरेको केन्द्रीय कार्यसमिति बैठक स्थगित गरेको छ। अब बैठक मङ्सिर १ गते सोमबार दिउँसो २ बजे बस्ने पार्टीका मुख्यसचिव कृष्णप्रसाद पौडेलले जानकारी दिए ।
पौडेलले जारी गरेको सूचनामा भनिएको छ “निर्धारित एजेन्डा तयारी तथा कार्यसूची मिलानका कारण बैठक मिति परिवर्तन गरिएको छ। नयाँ मितिमा सबै पदाधिकारी, सदस्य, आमन्त्रित सदस्य तथा सातै प्रदेश समितिका सभापतिको उपस्थितिलाई अनुरोध गरिन्छ।”
कांग्रेस भित्र पछिल्ला दिनमा संगठन पुनर्गठन, प्रदेशहरूमा चलिरहेको राजनीतिक गतिविधि, समसामयिक राष्ट्रिय विषय तथा आगामी चुनावी तयारीसम्बन्धी एजेन्डामा नेतृत्वस्तरमा छलफल भइरहेका छन्। ती विषयलाई व्यवस्थित रूपमा कार्यसमितिमा प्रस्तुत गर्न समय आवश्यक भएकाले बैठक सारिएको बताइएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |