काठमाडौँ : नेपाली कांग्रेसको १५ औँ महाधिवेशनको अन्तिम घडीमा विधान संशोधन गरी सिर्जित वरिष्ठ उपसभापतिु पदमा युवा नेता विश्वप्रकाश शर्मा निर्विरोध निर्वाचित भएका छन्।
मङ्गलवार साँझ ७ बजेसम्म तोकिएको उम्मेदवारी दर्ताको समयावधिभित्र उक्त पदमा शर्माको मात्रै एकल उम्मेदवारी परेकाले निर्वाचन समितिले उनलाई सर्वसम्मत घोषित गरेको हो। नेपाली कांग्रेसको इतिहासमा यसअघि यो पदको अस्तित्व थिएन। विशेष महाधिवेशनबाट उपसभापति चुनिएका शर्मा र सभापति गगन थापा महामन्त्रीका पूर्वजोडी हुन्।
थापासँगै पार्टीको अग्रमोर्चामा रहेका शर्मालाई व्यवस्थापन गर्न र नेतृत्व तहमा शक्ति सन्तुलन कायम राख्न महाधिवेशनको मुखैमा यो नयाँ संरचना उभ्याइएको थियो।एकल उम्मेदवारीसँगै नयाँ पदमा शर्माको प्रवेशले कांग्रेसको शीर्ष तहमा थापा(शर्मा समीकरण थप सुदृढ बनेको छ। राजनीतिक वृत्तमा यसलाई पार्टीभित्रका विभिन्न पक्षबीचको शक्ति सन्तुलन र व्यवस्थापनको रणनीतिक मिलापत्रका रूपमा हेरिएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |