काठमाडौँ : नेपाली कांग्रेसले आगामी १५औँ महाधिवेशनमा भड्किलो प्रचारप्रसार र तामझाम नगर्ने घोषणा गरेको छ। महाधिवेशन तयारीबारे जानकारी दिन शुक्रबार सानेपास्थित पार्टी केन्द्रीय कार्यालयमा आयोजित विशेष पत्रकार सम्मेलनमा कांग्रेसले प्रविधिमैत्री र वातावरण संरक्षणलाई प्राथमिकता दिने नीति सार्वजनिक गरेको हो।
पत्रकार सम्मेलनमा प्रवक्ता देवराज चालिसेले शहरभर पर्चा, पम्पलेट र प्लास्टिकजन्य सामग्री टाँस्ने पुरानो शैलीलाई पूर्णतः निरुत्साहित गरिने बताए।
कांग्रेसले परम्परागत कागजको पर्चा नछाप्न उम्मेदवारहरूलाई निर्देशन दिँदै महाधिवेशन स्थलमा प्रविधियुक्त ुडिजिटल बोर्डु राखिने जनाएको छ। फोहोरमुक्त र मितव्ययी महाधिवेशन सम्पन्न गर्न विद्युतीय माध्यम तथा सामाजिक सञ्जालको व्यापक प्रयोगमा जोड दिइने पार्टीको तयारी छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |