काठमाडौँ : स्थानीय तह निर्वाचन लक्षित तयारी र सांगठनिक विस्तारका रणनीति तय गर्न सत्तारूढ राष्ट्रिय स्वतन्त्र पार्टी (रास्वपा) को केन्द्रीय समिति बैठक आज बस्दै छ। काठमाडौँको वनस्थलीस्थित केन्द्रीय कार्यालय (घन्टीघर) मा दिउँसो ३ बजे सभापति रवि लामिछानेको अध्यक्षतामा बैठक आह्वान गरिएको हो।
बैठकले आगामी स्थानीय निर्वाचनका लागि आवश्यक ‘केन्द्रीय उम्मेदवार छनोट समिति’ गठन गर्दै सदस्यहरूको मनोनयन गर्नेछ। साथै पार्टीका विभिन्न विभागीय प्रमुख तथा उपप्रमुखहरू चयन गर्ने कार्यसूचीसमेत रहेको प्रवक्ता जगदीश खरेलले जानकारी दिए।
त्यसैगरी, पार्टीका केन्द्रीय नेता तथा सांसदहरूको प्रत्यक्ष सहभागितामा सञ्चालन हुने ‘हामी आउँदै छौँ’ अभियानको कार्ययोजना, मधेश प्रदेशको सांगठनिक एवम् वित्तीय अडिट रिपोर्ट तथा अन्य समसामयिक राजनीतिक विषयमा बैठकमा घनीभूत चर्चा हुने रास्वपाले जनाएको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |