अन्तरिम सरकारका मन्त्रीहरुको शपथ साढे ११ बजे हुने

काठमाडौं :  अन्तरिम प्रधानमन्त्री सुशीला कार्की नेतृत्वको मन्त्रिपरिषद्का मन्त्रीले आज बिहान ११ः३० बजे शपथ लिने भएका छन्।
राष्ट्रपति कार्यालय स्रोतका अनुसार शपथ ग्रहणको तयारी पूरा भइसकेको छ। प्रधानमन्त्री कार्कीले हिजो रामेश्वर खनाललाई अर्थ, ओमप्रकाश अर्याललाई गृह तथा कानुन र कुलमान घिसिङलाई ऊर्जा, शहरी विकास तथा भौतिक पूर्वाधार मन्त्रालयको जिम्मेवारीका लागि सिफारिस गरेकी थिइन्।

राष्ट्रपति कार्यालयले उनीहरुलाई मन्त्री नियुक्त गरेपछि शीतलनिवासमा पद तथा गोपनीयताको शपथ दिलाइने कार्यक्रम रहेको छ। शपथ समारोह बाहिरी टेन्टमा आयोजना हुने तयारी भएको स्रोतले जनाएको छ।