काठमाडौं : बागमती प्रदेश सरकारमा सहभागी नेकपा एमालेका सबै ६ मन्त्रीले सामूहिक रूपमा पदबाट राजीनामा दिएका छन्। सत्ता समीकरणमा आएको परिवर्तनसँगै एमालेले सरकारबाट बाहिरिने निर्णयअनुसार संसदीय दलका नेता जगन्नाथ थपलियाले मुख्यमन्त्री कार्यालयमा मन्त्रीहरूको सामूहिक राजीनामा बुझाएका हुन्।
राजीनामा दिने मन्त्रीहरूमा बिन्दु श्रेष्ठ, डा। दिनेशचन्द्र देवकोटा, किरण थापा, भरतबहादुर केसी, मधुसूदन पौडेल र जयराम थापा छन्। एमाले सरकारबाट बाहिरिएसँगै बागमती प्रदेशको राजनीतिक समीकरणमा नयाँ मोड आएको छ भने प्रदेश सरकारको आगामी रणनीतिप्रति चासो बढेको छ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |