इरानविरुद्ध ट्रम्पको कडा आर्थिक चेतावनी

काठमाडौँ :  अमेरिकी राष्ट्रपति डोनाल्ड ट्रम्पले इरानविरुद्ध इकोनोमिक डि डे को घोषणा गर्दै अहिलेसम्मकै ठूलो आर्थिक प्रतिबन्ध र नाकाबन्दीको चेतावनी दिएका छन्। सामाजिक सञ्जाल ट्रुथ सोसलमार्फत ट्रम्पले इरानसँग कुनै पनि प्रकारको आर्थिक वा व्यावसायिक सम्बन्ध राख्ने देश, कम्पनी र वित्तीय संस्थाले अमेरिकाबाट गम्भीर आर्थिक परिणाम भोग्नुपर्ने बताएका हुन्।

इरानमाथि अभूतपूर्व स्तरको आर्थिक युद्धु सुरु गरिएको दाबी गर्दै उनले तेल तस्करी, वित्तीय कारोबार, नगद स्थानान्तरण, एक्सचेन्ज हाउस र नक्कली कम्पनीहरूमार्फत हुने व्यापार तत्काल बन्द गर्न निर्देशन दिएका छन्। इरानलाई सम्झौताको पटक(पटक अवसर दिँदा पनि अस्वीकार गरेकाले अब उसलाई अन्तर्राष्ट्रिय आर्थिक प्रणालीबाट पूर्ण रूपमा एक्ल्याइने ट्रम्पको भनाइ छ।