अपरिचित शवको वैज्ञानिक व्यवस्थापन भइरहेको छ : प्रधानमन्त्री शाह

काठमाडौँ :  प्रधानमन्त्री बालेन शाहले बाढी विपद्मा परि तत्काल पहिचान हुन नसकेका शवहरूलाई कानुनी र वैज्ञानिक आधारमा जमिनमुनि सुरक्षित व्यवस्थापन गरिएको प्रष्टिकरण दिएका छन् । आज प्रतिनिधि सभाको बैठकमा बोल्दै प्रधानमन्त्री शाहले डीएनए परीक्षणको नतिजा आउनासाथ ती शवहरू सम्बन्धित परिवारलाई जिम्मा लगाइने स्पष्ट पारेका हुन्।

‘पहिचान भएपछि आफन्तले आ आफ्नो धर्म र संस्कृति अनुसार अन्तिम संस्कार गर्नुहुने नै छ, त्यसैले यस विषयमा भ्रममा नपर्न सबैमा अनुरोध गर्दछु’,-उनले भने।

प्रधानमन्त्री शाहले यति ठूलो विपद्का बेला अन्तर्राष्ट्रिय सहयोग प्राप्त भइरहेको र छिमेकी मुलुक चीन तथा भारतबाट प्राविधिक टोलीसमेत आएर काम गरिरहेको जानकारी दिए। प्रक्रिया छोटो बनाएर वैदेशिक सहायता लिने प्रयास गरिएको भन्दै उनले विपद् व्यवस्थापनमा सङ्घ, प्रदेश र स्थानीय सरकारबीच पूर्ण समन्वयमा काम भइरहेको दाबी गरे।