काठमाडौँ : साङ्घाई सहयोग संगठन (एससिओ) शिखर सम्मेलनमा भाग लिन प्रधानमन्त्री केपी शर्मा ओली शनिबार चीनतर्फ प्रस्थान गरेका छन्। उनी राष्ट्रपति सी चिनफिङको निमन्त्रणामा २३ सदस्यीय नेपाली प्रतिनिधिमण्डलको नेतृत्व गर्दै तियान्जिन पुगेका हुन्।
त्रिभुवन अन्तर्राष्ट्रिय विमानस्थलमा उपप्रधानमन्त्री प्रकाशमान सिंह, गृहमन्त्री रमेश लेखक, परराष्ट्रमन्त्री डा. आरजु राणा देउवा, मुख्यसचिव एकनारायण अर्यालसहित उच्चपदस्थ अधिकारीहरूले उनलाई बिदाइ गरे। नेपाली सेनाले सम्मान गारत अर्पण गरेको थियो।
प्रधानमन्त्रीले सेप्टेम्बर १ मा तियान्जिनमा हुने शिखर सम्मेलनलाई सम्बोधन गर्ने र राष्ट्रपति सीसँग भेटवार्ता गर्ने कार्यतालिका छ। भदौ ३ मा बेइजिङमा आयोजना हुने ८०औँ वार्षिकोत्सवका स्मृति कार्यक्रममा समेत उनले सहभागिता जनाउनेछन्।
भ्रमणका क्रममा ओलीले चीनका उपराष्ट्रपति हान झेङ, रुसका राष्ट्रपति भ्लादिमीर पुटिन, माल्दिभ्स, कम्बोडिया, लाओस र भियतनामका प्रधानमन्त्रीसँग छुट्टाछुट्टै भेटवार्ता गर्ने कार्यक्रम छ।
प्रधानमन्त्रीसँग धर्मपत्नी राधिका शाक्य, मन्त्रीहरू रघुजी पन्त र बद्रीप्रसाद पाण्डे, सांसद पूर्णबहादुर खड्का, आर्थिक सल्लाहकार डा। युवराज खतिवडा, सांसद छविलाल विश्वकर्मा र उच्चस्तरीय अधिकारीहरू छन्। उनी भदौ १८ गते स्वदेश फर्कने कार्यतालिका छ।
