चितवन : चितवनको नारायणघाट–मुग्लिन सडकखण्डमा ट्रक पल्टिएर दुर्घटना हुँदा २ जनाको ज्यान गएको छ ।
नारायणगढबाट मुग्लिङतर्फ जाँदै गरेको बागमती प्रदेश ०३ ००१ ख ३४९० नम्बरको ट्रक आइतबार बेलुका ६ बजेतिर चितवनको नौ किलोमा दुर्घटना हुँदा २ जना घाइते भएका छन् । दुर्घटनामा परि मकवानपुरको मकवानपुरगढी गाउँपालिका–६ बस्ने ३८ वर्षीय श्याम बजगाईं र सोही ठाउँका ३१ वर्षीय दीपक दाहालको भरतपुर अस्पतालमा मृत्यु भएको जिल्ला प्रहरी कार्यालय चितवनले जनाएको छ ।
उनीहरु दुवैजनालाई च्यापिएको अवस्थामा उद्धार गरेर भरतपुर अस्पताल पुर्याइएको थियो। दुर्घटनामा घाइते दुई जनाको उपचार भइरहेको छ । दुर्घटनापछि फरार रहेका मकवानगढी गाउँपालिका ६ का २६ वर्षीय दिनेश पुडासैनीलाई नियन्त्रणमा लिइएको प्रहरीको भनाई छ ।
