काठमाडौँ : रास्वपाका वरिष्ठ नेता बालेन्द्र शाहको निवासमा चोरी भएको भन्ने आशंका पुष्टि नभएको प्रहरीले जनाएको छ। घरमा ग्रिल फोडिएको अवस्थामा भेटिएपछि अनुसन्धान गरिएको भए पनि चोरीको कुनै प्रमाण नदेखिएको प्रहरीले जनाएको हो ।
सिनामंगलस्थित पञ्चकुमारी मन्दिर नजिक रहेको शाहको घरसँगै म्यानपावर कम्पनीको कार्यालय सञ्चालनमा छ। उक्त कार्यालयमा मानिसको आवतजावत बढी हुने भएकाले चोरीको आशंका गरिएको थियो।
प्रहरीले घटनास्थलको अवलोकन तथा प्रारम्भिक अनुसन्धान गर्दा घरभित्रबाट सामान हराएको वा क्षति पुगेको नदेखिएको बताएको छ । घटनाबारे थप अनुसन्धान भैरहेको गौशाला प्रहरी वृत्तले जनाएको छ ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |