काठमाडौं : पूर्वराष्ट्रपति विद्यादेवी भण्डारीले राजनीतिमा औपचारिक पुनरागमनको घोषणा गरेकी छन्।
शनिबार राजधानीमा आयोजित जबजका तीन दशकु विषयक राष्ट्रिय गोष्ठीमा बोल्दै उनले जनतालाई सुखी र राष्ट्रलाई समृद्ध बनाउने अधूरो दायित्व पूरा गर्न राजनीतिमा फर्किएको स्पष्ट पारेकी हुन् । जननेता मदन भण्डारीको ७४औं जन्मजयन्तीको अवसरमा आयोजित कार्यक्रममा उनले नेकपा एमालेको पार्टी सदस्यता नवीकरण गर्दै अब पुनः एमाले परिवारको सदस्य बनेको बताइन्।
पूर्वराष्ट्रपति भण्डारीले राजनीतिमा थकाइ शब्द नहुने भन्दै देश र जनताको हित नै आफ्नो ध्येय र लक्ष्य भएको बताएकी छन्। सामाजिक न्याय र समानतामा आधारित समाजवाद निर्माण गरी जनतालाई सुखी र राष्ट्रलाई समृद्ध बनाउनु बाँकी रहेकोमा जोड दिँदै उनले संयमता र दूरदर्शिताका साथ अघि बढ्नुपर्ने धारणा राखिन् ।
हामी क्षमा चाहन्छौं यो पोस्ट धेरै पुरानो भएको ले कमेन्ट बक्स बन्द गरेको छौं |