काठमाडौं : वाइसीएलको श्रम र उत्पादन अभियान सुरु गर्दै माओवादी केन्द्रका अध्यक्ष पुष्पकमल दाहाल ‘प्रचण्ड’ले प्रधानमन्त्री केपी शर्मा ओली नेतृत्वको सरकारलाई ‘जहाँ टेक्यो त्यही भ्रष्टाचार’ भएको आरोप लगाएका छन् ।
देश अहिले संविधान, गणतन्त्र, सुशासन र समृद्धिको यात्रामा निकै जटिल मोडमा पुगेको बताउँदै उनले सरकारबाटै परिवर्तनविरुद्ध षड्यन्त्र भइरहेको आरोप लगाए। उनले वाइसीएल कार्यकर्तालाई श्रम र उत्पादनसँग जोडिएर जनतासँग नजिक हुन, सामाजिक न्याय र सुशासनको पक्षमा जुट्न निर्देशन दिए।
प्रतिक्रियावादी र प्रतिगामी शक्तिहरूले परिवर्तन उल्ट्याउने दुस्साहस गरिरहेको उल्लेख गर्दै उनले युवालाई संगठित, सचेत र तयार रहन आह्वान गरे।
