काठमाडौं : माधव नेपाल नेतृत्वको नेकपा (एकीकृत समाजवादी)ले भदौ पहिलो हप्तामा तीनवटा महत्त्वपूर्ण बैठक बोलाएको छ।
महासचिव घनश्याम भुसालका अनुसार भदौ ४ गते स्थायी कमिटी, भदौ ५ गते पोलिटब्युरो र भदौ ८ गते केन्द्रीय कमिटी बैठक आह्वान गरिएको हो।
स्थायी कमिटी र पोलिटब्युरो बैठक पार्टी केन्द्रीय कार्यालय, अन्नपूर्ण मार्गमा बस्नेछन् भने केन्द्रीय कमिटी बैठक सुकेधारास्थित मिराकल पार्टी भेनुमा आयोजना हुनेछ। सबै बैठक बिहान ११ बजे सुरु हुने तय गरिएको छ।
यी बैठकमा पार्टीको संगठनात्मक अवस्था, आगामी राजनीतिक रणनीति र सरकारसम्बन्धी निर्णयमा एकीकृत समाजवादीको भूमिका लगायत विषयमा छलफल हुने अपेक्षा गरिएको छ।
