काठमाडौं : सुदूरपश्चिम रोयल्सले नेपाल प्रिमियर लिग (एनपीएल) लगातार तेस्रो जित दर्ता गरेको छ। टियु क्रिकेट मैदानमा सोमबार भएको खेलमा सुदूरपश्चिमले कर्णाली याक्सलाई ४५ रनले पराजित गरेको हो ।
१४० रनको लक्ष्य पछ्याएको कर्णाली १९.२ ओभरमा ९४ रनमै समेटियो। पवन सर्राफले २७ रन बनाए पनि अन्य ब्याट्सम्यान दोहोरो अंकमा टिक्न सकेनन्। सुदूरपश्चिमका कप्तान दीपेन्द्र सिंह ऐरीले ४ विकेट लिए। यसअघि टस हारेर ब्याटिङ गरेको सुदूरपश्चिमले ९ विकेटका क्षतिमा १३९ रन जोडेको थियो।
ऐरी ३९ रनसहित शीर्ष स्कोरर बने भने आरिफ शेखले २७ रन जोडे। कर्णालीका सोमपाल कामीले ३ विकेट लिए।
