कांग्रेस विशेष महाधिवेशन : सभापतिमा गगन थापाको उम्मेदवारी

काठमाडौं : संस्थापन पक्षसँगको वार्ता निष्कर्षमा नपुगेपछि नेपाली कांग्रेसका महामन्त्री गगन थापाले विशेष महाधिवेशनबाट सभापतिमा उम्मेदवारी दिएका छन् ।

महाधिवेशन चलिरहेका बेला उनले अन्तिम समयमा उम्मेदवारी दर्ता गराएका हुन् । निर्वाचन समितिका अनुसार सभापति पदमा थापाको मात्र उम्मेदवारी परेको छ । समितिले आजै मतदानको तयारी पूरा गरेको जनाएको छ ।